លោកជំទាវ កែ សុវណ្ណរតន៍ ប្រធានគណៈកម្មការសុខាភិបាលសង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារីនៃរដ្ឋសភា បានអនុញ្ញាតឲ្យលោកស្រី Gosia McBride មន្រ្តីជាន់ខ្ពស់អគ្គលេខាធិការចូលជួបសម្តែងការគួរសមនិង ពិភាក្សាការងារ នាព្រឹកថ្ងៃទី២៦ ខែមីនា ឆ្នាំ២០១៥ នៅវិមានរដ្ឋសភា។
លោកស្រី GosiaMcBride បានជម្រាបជូនលោកជំទាវ ប្រធានគណៈកម្មការ អំពីគោលបំណងដែល លោកស្រីមកជួបនាពេលនេះ គឺដើម្បីសិក្សា ស្វែងយល់ ពីតួនាទីតំណាងរាស្រ្តស្រ្តីរបស់រដ្ឋសភាកម្ពុជា និងចង់ដកបទពិសោធន៍រវាងរដ្ឋសភា នៃព្រះរាជាណាចក្រកម្ពុជា និងរដ្ឋសភានៃចក្រភព អង់គ្លេស ដើម្បីបង្កើនកិច្ចសហប្រតិបត្តិការរវាងរដ្ឋសភា នៃប្រទេសទាំងពីរឲ្យកាន់តែរឹងមាំទ្វេឡើងថែមទៀត។
លោកជំទាវ កែ សុវណ្ណរតន៍ បានមានប្រសាសន៍សា្វគមន៍ ដំណើរទស្សនកិច្ចរបស់លោកស្រី GosiaMcBride ដែលបានមក កម្ពុជានាពេលនេះ គឺជាឱកាស នៃកិច្ចសហប្រតិបត្តិការនិងការរឹតចំណងមិត្តភាពរវាងរដ្ឋសភា នៃព្រះរាជាណាចក្រកម្ពុជា និងរដ្ឋសភានៃចក្រភពអង់គ្លេស ជាពិសេសចំណង មិត្តភាពរវាងតំណាងរាស្រ្តជាស្រ្តី របស់កម្ពុជា និងតំណាងរាស្រ្តជាស្រ្តីរបស់ចក្រភពអង់គ្លេស ឲ្យមានកិច្ចសហប្រតិបត្តិការគ្នាឲ្យកាន់តែរឹងមាំទ្វេឡើង ថែមទៀត។
អត្ថបទនិងរូបភាពពីនាយកដ្ឋានព័ត៌មាន