សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា បានទទួលជួបសវនការជាមួយ គណៈប្រតិភូ នៃរដ្ឋសភា សាធារណរដ្ឋកូរ៉េ ដែលដឹកនាំដោយ ឯកឧត្តម គឹម ជុនជិន ( KIM CHOON JIN ) អនុប្រធានគណៈកម្មការសុខាភិបាលនិងសង្គមកិច្ច នៅព្រឹកថ្ងៃទី២៦ ខែមករា ឆ្នាំ២០១៥ នៅវិមានរដ្ឋសភា ។ ទំាង សម្តេចប្រធានរដ្ឋសភា និងឯកឧត្តម ប្រធាន គណៈប្រតិភូ បានរម្លឹកពីទំនាក់ទំនងដ៍ល្អ រវាងប្រទេសទំាងពីរ ប្រជាជនទំាងពីរ សាធារណរដ្ឋ កូរ៉េ និងព្រះរាជាណាចក្រកម្ពុជា ព្រមទំាងបានប្តេជ្ញាថា នឹងខិតខំថែរក្សា ពង្រឹងពង្រីកចំណងមិត្តភាព ប្រទេសទំាងពីរ ឲ្យបានកាន់ល្អប្រសើរថែមទៀត។ ពិសេសចំណងមិត្តភាព និងកិច្ចសហ ប្រតិបត្តិការ រវាងរដ្ឋសភាប្រទេសទំាងពីរ។
