ប្រធានក្រុមមិត្តភាព សភាកម្ពុជា-សាធារណរដ្ឋកូរ៉េ បានស្នើអោយ សភាសាធារណរដ្ឋ កូរ៉េ ជម្រុញ វិនិយោគគិន មកបណ្តាក់ទុន នៅកម្ពុជា អោយបាន ច្រើន មានប្រសាសន៍ បែបនេះ នៅក្នុងជំនួបពិភាក្សា ការងារ រវាង ឯកឧត្តមបណ្ឌិតរដ្ឋ ជាម យៀប ប្រធានគណៈកម្មកា រសេដ្ឋកិច្ច ហិរញ្ញវត្ថុ ធនាគារ និង សវនកម្ម នៃរដ្ឋសភា និងជាប្រធាន ក្រុមមិត្តភាពសភាកម្ពុជា -សាធារណរដ្ឋ កូរ៉េជាមួយ ឯកឧត្តម អាន ជីអ៊ូប៉ាក់( H-E ANH GYU-BACK ) សមាជិ កគណៈកម្មការ ការពារជាតិ នៃ សភាសាធារណ រដ្ឋកូរ៉េ នៅវិមានរដ្ឋសភា កាលពីថ្ងៃទី៣១ខែធ្នូ ឆ្នាំ ២០១៤ ។
ឯកឧត្តម អាន ជីអ៊ូប៉ាក់ បាន ជម្រាបជូន ឯកឧត្តម បណ្ឌិតរដ្ឋ ជាម យៀប ថា គោលបំណងដែល ឯកឧត្តម មកបំពេញទស្សនកិច្ច នៅព្រះរាណាចក្រ កម្ពុជា នាពេល នេះ គឺដើម្បីពង្រឹង នូវចំណងមិត្តភាព សាមគ្គីភាព និង កិច្ចសហប្រតិបត្តិការ លើវិស័យ ពាណិជ្ជកម្ម វិនិយោគ សេដ្ឋកិច្ច និងវិស័យ ការពារជាតិ គឺចង់អោយ មានសេនានុព័ន្ធ យោ ធា រវាងប្រទេស ទាំងពីរ កម្ពុជានិង សាធារណរដ្ឋ កូរ៉េ ។ទន្ទឹមនឹងនោះ ឯកឧត្តម ក៏បាន សំនូមពរផងដែរ ដល់រដ្ឋសភា កម្ពុជា ជួយការពារ វិនិយោគគិន មន្ត្រីជំនាញ សាធារណរដ្ឋ កូរ៉េ ជាង ៦០០០នាក់ ដែលស្នាក់ អាស្រ័យនៅកម្ពុជា អោយមានសុវត្ថិភាពល្អ។
ជាការឆ្លើយតប ឯកឧត្តមបណ្ឌិតរដ្ឋ ជាម យៀប បានថ្លែងអំណរគុណ ជូនចំពោះ រដ្ឋាភិបាល រដ្ឋសភា និងប្រជាជន សាធារណរដ្ឋ កូរ៉េ ដែលក្នុងរយៈកាល កន្លងមក បានជួយ ឧបត្ថម្ភទាំងសំភារៈនិងថវិកា ជួយ កសាងអភិវឌ្ឍន៍ប្រទេសកម្ពុជា។ ទន្ទឹមនឹងនោះ បាន ជួយទទួលពលករ កម្ពុជា អោយទៅធ្វើការ នៅសាធារណរដ្ឋ កូរ៉េ បើយោងតាមទូរលេខក្រសួង ការងារមកទល់ បច្ចុប្បន្ននេះ មានចំនួនជាង ៣៥០០នាក់។ ឯកឧត្តមក៏បាន ជម្រុញឲ្យសភា ក៏ដូចជារដ្ឋាភិបាល សាធារណរដ្ឋ កូរ៉េ ផ្សព្វផ្សាយ ពីសក្តានុពល សេដ្ឋកិច្ចកម្ពុជា ឲ្យវិនិយោគគិន សាធារណរដ្ឋកូរ៉េ មកបណ្តាក់ទុន រកស៊ីនៅកម្ពុជា លើវិស័យផ្សេងៗ ដើម្បីបង្កើតការងារ ជូនដល់ ប្រជាពលរដ្ឋ កម្ពុជានិង រួមចំណែកក្នុង ការ កាត់បន្ថយ ភាពក្រីក្រ។ ឯកឧត្តមក៏បានអបអរសាទរ ផងដែរ ចំពោះរដ្ឋាភិបាល កម្ពុជាដែលដឹកនាំដោយ សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រ កម្ពុជា បានចុះ អនុស្សារណៈ យោគយល់គ្នា ជាមួយលោកជំទាវ ប៉ាក់ គុណហៃប្រធានាធិបតី នៃសាធារណរដ្ឋ កូរ៉េ នាពេលកន្លងមក នៅក្នុងកំឡុង ពេលនៃដំណើរ ទស្សនៈកិច្ច របស់ សម្តេចតេជោនាយករដ្ឋមន្រ្តីនៃព្រះរាជាណាចក្រកម្ពុជា ទៅកាន់ សាធារណកូរ៉េនាពេលកន្លងទៅថ្មីៗនេះ។