សេចក្តីប្រកាសព័ត៌មាន ស្តីពីលទ្ធផលនៃការបន្តសម័យប្រជុំរដ្ឋសភាលើកទី៩ នីតិកាលទី៦ ថ្ងៃអង្គារ ទី៣០ ខែឧសភា ឆ្នាំ២០២៣__ រដ្ឋសភាប្រជុំពិភាក្សានិងអនុម័តសេចក្តីព្រាងក្រមបរិស្ថាន និងធនធានធម្មជាតិ និងសេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងពាណិជ្ជកម្មអាស៊ាន__ សម្តេចអគ្គមហាពញាចក្រី ហេង សំរិន អញ្ជើញថ្វាយព្រះរាជដំណើរ ព្រះករុណា ព្រះមហាក្សត្រ ស្តេចយាងទៅបំពេញព្រះរាជទស្សនកិច្ចផ្លូវរដ្ឋនៅសាធារណរដ្ឋឥណ្ឌា__ ឯកឧត្តម សួស យ៉ារ៉ា និងគណៈប្រតិភូសភា នៃសាធារណៈរដ្ឋកូរ៉េ អញ្ជើញជួបសំណេះសំណាលជាមួយប្រជាពលរដ្ឋក្នុងក្រុងស្ទឹងសែន ខេត្តកំពង់ធំ__ ពិធីបុណ្យចម្រើនជន្មាយុជូន សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា__ សេចក្តីជូនដំណឹង រដ្ឋសភា នៃព្រះរាជាណាចក្រកម្ពុជា នឹងបន្តសម័យប្រជុំរដ្ឋសភាលើកទី៩ នីតិកាលទី៦ នៅថ្ងៃអង្គារ ទី៣០ ខែឧសភា ឆ្នាំ២០២៣__ រដ្ឋសភានឹងប្រជុំពិភាក្សាអនុម័តសេចក្តីព្រាងក្រមបរិស្ថាន និងធនធានធម្មជាតិ នៅថ្ងៃ៣០ឧសភា និងបានទទួលយក សេចក្តីព្រាងច្បាប់ពីរទៀតមកពិនិត្យសិក្សា__ គណ:កម្មការរដ្ឋសភា និងក្រសួងបរិស្ថានជួបប្រជុំពិភាក្សាលើសេចក្តីព្រាងក្រមបរិស្ថាន និងធនធានធម្មជាតិ__ អន្តរគណៈកម្មការរដ្ឋសភា និងតំណាងរាជរដ្ឋាភិបាល ជួបពិភាក្សាគ្នាលើសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងពាណិជ្ជកម្មសេវាកម្មអាស៊ាន__ លោកជំទាវកិត្តិសង្គហបណ្ឌិត ឃួន សុដារី អនុប្រធានទី២ នៃរដ្ឋសភា ផ្ញើសាររំលែកមរណទុក្ខ ជូន លោកជំទាវ ហេង ផល្លី និងក្រុមគ្រួសារ__ អន្តរគណៈកម្មការនៃរដ្ឋសភា ជួបប្រជុំគ្នាដើម្បីពិនិត្យសិក្សាសេចក្តីព្រាងក្រមបរិស្ថាន និងធនធានធម្មជាតិ__ ឯកឧត្តម សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា បានទទួលជួបពិភាក្សាការងារជាមួយ ឯកឧត្តម Tibor Baloghdi ឯកអគ្គរដ្ឋទូតហុងគ្រី__ ពិធីប្រគល់-ទទួលអំណោយសម្ភារៈការិយាល័យពីរដ្ឋសភាវៀតណាមជូនរដ្ឋសភាកម្ពុជា__ គណៈប្រតិភូរដ្ឋសភាកម្ពុជា បានអញ្ជើញត្រឡប់មកពីចូលរួមកិច្ចប្រជុំទល់មុខគ្នា រវាងថ្នាក់ដឹកនាំអាយប៉ាជាមួយប្រមុខដឹកនាំអាស៊ាន នៅឡាបួនបាចូ-នូសាតេងហ្គារ៉ាទីមួរ នៃប្រទេសឥណ្ឌូនេស៊ី ៕


ទំព័រមុខ » គណៈកម្មការទី៣ » សកម្មភាព » ប្រធានគណៈកម្មការបរិស្ថានរដ្ឋសភា លើកទឹកចិត្តដល់ពលរដ្ឋសហគមន៍ និងដៃគូនានា ចូលរួមថែរក្សាបរិស្ថាន
ប្រធានគណៈកម្មការបរិស្ថានរដ្ឋសភា លើកទឹកចិត្តដល់ពលរដ្ឋសហគមន៍ និងដៃគូនានា ចូលរួមថែរក្សាបរិស្ថាន
រៀបរៀងដោយ ៖​ NA1472 ​ នៅថ្ងៃទី (3/7/2019 1:27:53 AM )

ឯកឧត្តម ជា វ៉ាន់ដេត ប្រធានគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹកនៃរដ្ឋសភា និងសហការី បានចុះសិក្សាពីវិស័យការងារដែលគណៈកម្មការទទួលបន្ទុកនៅក្នុងខេត្តព្រះវិហារ កាលពីថ្ងៃទី២៧ ខែមករា ឆ្នាំ២០១៩ ដោយក្នុងនោះ បានចុះដល់ តំបន់អភិរក្សសហគមន៍ការពារព្រៃឈើ ដោយបានជួបសំណេះសំណាលជាមួយថ្នាក់ដឹកនាំ អាជ្ញាធរមូលដ្ឋាន មន្រ្តីឧទ្យានុរក្ស និងប្រជាពលរដ្ឋ ផងដែរ។

ដំណើរបេសកកម្មនេះ មានការចូលរួមពីឯកឧត្តមរដ្ឋមន្រ្តីក្រសួងបរិស្ថាន អភិបាលខេត្តព្រះវិហារ និងសហការីផងដែរ។ ឯកឧត្តម ជា វ៉ាន់ដេត​បានជំរុញ និងលើកទឹកចិត្តឱ្យមានការចូលរួមពីភាគីពាក់ព័ន្ធនានាទំាងអស់ ឲ្យបានល្អប្រសើរថែមទៀត ដើម្បីធានាការគ្រប់គ្រងធនធានធម្មជាតិ ដើម្បីការអភិវឌ្ឍ ដោយចីរភាព។

ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានគូសបញ្ជាក់ថា ក្រសួងបរិស្ថានលើកទឹកចិត្តដល់សហគមន៍ប្រជាពលរដ្ឋ ដែលបានខិតខំ ចូលរួមថែរក្សាអភិរក្សបរិស្ថាន។ នៅក្នុងដំណើរបេសកកម្មនេះ ប្រធានគណៈកម្មការជំនាញរដ្ឋសភា និងឯកឧត្តមរដ្ឋមន្រ្តីក្រសួងបរិស្ថាន បាននាំយក អំណោយរបស់ថ្នាក់ដឹកនាំ ជូនដល់ប្រជាពលរដ្ឋដែលចូលរួមថែរក្សាអភិរក្សបរិស្ថានផងដែរ ក្នុងនោះបាននាំយករថយន្ត១គ្រឿង និងម៉ូតូ២គ្រឿង ដែលជាអំណោយរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ប្រគល់ជូន លោក បេន ដេវីស (BEN DEVIS) និងសហគមន៍តាបស ខេត្តព្រះវិហារ។ បន្ថែមពីនេះ ឯកឧត្តម ជា វ៉ាន់ដេត បានប្រគល់ថវិការបស់គណៈកម្មការទី៣នៃរដ្ឋសភា ចំនួន១៦លានរៀល ទៀត ជូនដល់ លោក បេន ដេវីស តំណាងឱ្យសហគមន៍តាបស សម្រាប់ចូលរួមចំណែកក្នុងការការពារ និងអភិរក្សធនធានធម្មជាតិផងដែរ។

ឯកឧត្តម សាយ សំអាល់ បានមានប្រសាសន៍ថា ក្រសួងបរិស្ថានទទួលស្គាល់កិច្ចខិតខំប្រឹងប្រែង និងលើកទឹកចិត្តដល់ លោក បេន ដេវីស (BEN DEVIS) និងសហគមន៍តាបស ក្នុងការចូលរួមជាមួយរាជរដ្ឋាភិបាលកម្ពុជា ក្នុងការការពារ និងអភិរក្សធនធានធម្មជាតិ ក្នុងដែនជម្រកសត្វព្រៃភ្នំត្នោត- ភ្នំពក។

ទំាង ឯកឧត្តម ជា វ៉ាន់ដេត និង ឯកឧត្តម សាយ សំអាល់ បានគូសបញ្ជាក់ថា រាជរដ្ឋាភិបាលកម្ពុជា យកចិត្តទុកដាក់ខ្លាំងក្នុងការលើកស្ទួយជីវភាព សហគមន៍មូលដ្ឋាន នៅតាមតំបន់ការពារធម្មជាតិ ដើម្បីធានាលើការការពារ ថែរក្សាវប្បធម៌ ប្រពៃណី ក៏ដូចជាការការពារ អភិរក្ស និងការប្រើប្រាស់ ធនធានធម្មជាតិដោយនិរន្តរភាព។ ប្រធានគណៈកម្មការជំនាញរដ្ឋសភា និងរដ្ឋមន្រ្តីក្រសួងបរិស្ថាន បានអំពាវនាវដល់សហគមន៍ និងប្រជាពលរដ្ឋ សហការគ្នា និងមានការឯកភាពគ្នា ក្នុងការប្រើប្រាស់ធនធានធម្មជាតិ ប្រកបដោយនិរន្តរភាព ព្រោះ “ធនធានធម្មជាតិជារបស់យើងទាំងអស់គ្នា”៕

អត្ថបទ និងរូបភាព ដោយនាយកដ្ឋានព័ត៌មាន