នារសៀលថ្ងៃទី១២ ខែកញ្ញា ឆ្នាំ២០១៦ ឯកឧត្តមបណ្ឌិត ងួន ញ៉ិល អនុប្រធានទី២រដ្ឋសភា និងជាតំណាងដ៏ខ្ពង់ខ្ពស់របស់សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា បានដឹកនាំ គណៈកម្មាធិការអចិន្ត្រៃយ៍រដ្ឋសភា ចូលរួមគោរពវិញ្ញាណក្ខន្ធសព ឯកឧត្ដម មិន ឃិន ទេសរដ្ឋមន្ដ្រីទទួលបន្ទុកបេសកកម្មពិសេស ។
សូមបញ្ជាក់ថា ឯកឧត្ដម មិន ឃិន បានទទួលមរណភាព នៅវេលាម៉ោង ១:៥៩នាទី រំលងអាធ្រាត្រឈានចូលថ្ងៃទី៩ ខែកញ្ញា ឆ្នាំ២០១៦ ដោយរោគាពាធ ក្នុងជន្មាយុ៧៨ឆ្នាំ។
សពត្រូវបានក្រុមគ្រួសារតម្កល់ធ្វើបុណ្យតាមប្រពៃណីនៅភូមិគ្រឹះក្បែរផ្សារ បឹងកេងកង ផ្ទះលេខ៥ ផ្លូវ៣៨០ សង្កាត់បឹងកេងកងទី១ខណ្ឌចំការមន ៕
អត្ថបទនិងរូបភាពនាយកដ្ឋានព័ត៌មាន
