ឯកឧត្តម ចាយ បូរិន តំណាងរាស្រ្តមណ្ឌលខេត្តកំពង់ចាម បានចុះជូបសំណេះសំណាល ស្វែង​​យល់សុខទុក្ខប្រជាពលរដ្ឋនៅក្នុង ស្រុកអូររំាងឳ ខេត្តត្បូងឃ្មុំ កាលពីពេលកន្លងទៅថ្មីៗ    នេះ និងបាននាំយកសៀវភៅជាច្រើនក្បាល ទៅកម្តល់ទុកតាមបណ្ណាល័យនានា ក្នុងវត្តអារាមមួយចំនួន នៅក្នុងស្រុក ទុកជាឃ្លាំងចំណេះក្នុងការសិក្សាស្រាវជ្រាវរបស់ព្រះសង្ឃ ពុទ្ធបរិស័ទ្ធ និង​សិស្សានុសិស្សទូទៅ។

ក្នុងឱកាសនោះដែរ ឯកឧត្តម បានជួបសំណេះសំណាលជាមួយ ព្រះសង្ឃ គណៈកម្មាធិការអាចារ្យវត្តនិងពុទ្ធបរិស័ទ្ធចំណុះជើងវត្ត ដោយបានពំានាំ ការផ្តាំផ្ញើរសាកសួរសុខទុក្ខចំពោះប្រជាពលរដ្ឋ ពីសំណាក់ សម្តេចអគ្គមហាពញាចក្រី ហេង​ សំរិន ប្រធានរដ្ឋសភា ជូនចំពោះប្រជាពលរដ្ឋទំាងអស់។ ឯកឧត្តម ចាយ បូរិន បានគូសបញ្ជាក់ថា សម្តេចប្រធានរដ្ឋសភា តែងតែយកចិត្តទុកដាក់ពីសុខទុក្ខរបស់ប្រជាពលរដ្ឋនៅគ្រប់ពេលវេលា និងបានជំរុញ ដល់សមា​ជិកសមាជិការដ្ឋសភាទំាងអស់ ចុះបំពេញតួនាទី ជាតំណាងរបស់ពលរដ្ឋឲ្យបានជាប្រចំា ដើម្បីស្វែងយល់ពីតម្រូវការរបស់ពលរដ្ឋ និងស្នើសុំ ទៅ​រាជរដ្ឋាភិបាល ធ្វើការដោះស្រាយ​ជូន។

ចំពោះសៀវភៅ ដែល ឯកឧត្តម ចាយ បូរិន នាំយកទៅប្រគេនព្រះសង្ឃ តម្កល់ទុកនៅតាម​បណ្ណាល័យ ក្នុងវត្តអារាមនានានោះ មានចំនួន ២ ៤១៤ក្បាល ដែលសៀវភៅទំាងអស់នោះ ជាឯក​សារអប់រំខាងពុទ្ធចក្រផង និងអាណាចក្រផង។

ឯកឧត្តម បានគូសបញ្ជាក់ថា សៀវភៅទំាងអស់នេះ ជាឃ្លំាង​ចំណេះដឹងមិនចេះរីងស្ងួត សម្រាប់​ការសិក្សាស្រាវជ្រាវរបស់ព្រះសង្ឃ ប្រជាពលរដ្ឋ និង សិស្សានុសិស្សជាទូទៅ។ ឯកឧត្តមបានជំរុញនិងលើកទឹកចិត្តដល់យុវជន ត្រូវនាំគ្នាអានសៀវភៅឲ្យច្រើន ពីព្រោះសៀវ​ភៅ នឹងផ្តល់ចំណេះដឹង ទូទៅដល់អ្នកអាន៕