នៅព្រឹកថ្ងៃទី ១០ ខែមេសា ឆ្នាំ២០១៥ នៅវិមានរដ្ឋសភា មានរៀបចំពិធីទទួលអំណរឆ្នាំថ្មី បុណ្យចូលឆ្នំាខ្មែរប្រពៃណីជាតិ ឆ្នាំមមែ សប្តស័ក ព.ស.២៥៥៩ គ.ស.២០១៥ក្រោម អធិបតីភាពដ៏ខ្ពង់ខ្ពស់ លោកជំទាវ ម៉ែន សំអន តំណាងរាស្ត្រមណ្ឌលខេត្តស្វាយរៀង ឧបនាយករដ្ឋមន្ត្រី និងជារដ្ឋមន្ត្រីក្រសួងទំនាក់ទំនងរដ្ឋសភា-ព្រឹទ្ធសភា និងអធិការកិច្ច។ ពិធីនេះមានការសំដែងរបាំត្រុដិ ដើម្បីអបអរសារទក្នុងឱកាសចូលឆ្នាំថ្មី និងបាននិមន្តព្រះសង្ឃ ចំនួន៩អង្គ សូត្រមន្តលើករាសី និងរាប់បាត្រ ប្រគេនចង្ហាន់ព្រះសង្ឃ។
ពីធីបុណ្យចូលឆ្នាំខ្មែរ ជាបុណ្យទំនៀមទម្លាប់ប្រពៃណីខ្មែរតាំងពីបុរាណកាល ដែល ប្រជាពលរដ្ឋខ្មែរប្រកាន់ខ្ជាប់ខ្ជួន នឹងប្រារព្ធធ្វើឡើង ជារៀងរាល់ឆ្នាំ។ សម្រាប់ឱកាសបុណ្យ ចូលឆ្នាំខ្មែរប្រពៃណីជាតិ ឆ្នាំ២០១៥នេះ គឺចាប់ពីថ្ងៃទី១៤-១៥-១៦ ខែមេសា ឆ្នាំ២០១៥ ហើយចូលនៅ វេលាម៉ោង ២:០១នាទីរសៀល។
អត្ថបទនិងរូបភាពពីនាយកដ្ឋានព័ត៌មាន