នៅរសៀលថ្ងៃទី៨ខែមេសាឆ្នាំ២០១៥នៅវិមានរដ្ឋសភា ឯកឧត្តមបណ្ឌិតរដ្ឋ ជាម យៀបប្រធាន គណៈកម្មការ សេដ្ឋកិច្ច ហិរញ្ញវត្ថុ ធនាគារ និង សវនកម្មនៃរដ្ឋសភា និងជាប្រធានក្រុមសភាជាតិ អាយប៉ាកម្ពុជា បានបើកកិច្ចប្រជុំស្តីពីការត្រៀមរៀបចំ កិច្ចប្រជុំក្រុមអ្នកនយោបាយអាយប៉ា លើកទី៧ (7th AIPA Caucus ) ដោយមានការចូលរួមពីឯកឧត្តម លោកជំទាវ សមាជិក សមាជិកា រដ្ឋសភា ព្រឹទ្ធសភា និងមន្ត្រីជំនាញ នៃអគ្គលេខាធិការដ្ឋាន រដ្ឋសភា។
សភានៃព្រះរាជាណាចក្រកម្ពុជានឹង ត្រូវធ្វើជាម្ចាស់ផ្ទះរៀបចំកិច្ចប្រជុំ ក្រុមអ្នកនយោបាយអាយប៉ាលើកទី៧ ចាប់ពីថ្ងៃទី២៦ ដល់៣០ ខែកក្កដា ឆ្នាំ២០១៥ នៅក្រុងសៀមរាបខេត្តសៀមរាប។
សូមបញ្ជាក់ថា កិច្ចប្រជុំក្រុមអ្នកនយោបាយអាយប៉ា (7th AIPA Caucus) នេះត្រូវ បានរៀបចំឡើង សម្រាប់តាមដាន និងត្រួតពិនិត្យ មើលពីការអនុវត្ត លើសេចក្តីសម្រេចនានា របស់មហាសន្និបាតអាយប៉ា ក្នុងឆ្នាំនីមួយៗ។
ចាប់ពីការកកើតនៃអន្តរសភាអាស៊ាន ឬហៅកាត់ថា អាយប៉ា ពីឆ្នាំ១៩៧៧មក មហាសន្និបាត អាយប៉ា បានអនុម័តសេចក្តីសម្រេច បានជាង៨០០ហើយ៕
រូបភាព និងអត្ថបទ នាយកដ្ឋានព័ត៌មាន
