រដ្ឋសភាព្រះរាជាណាចក្រកម្ពុជា និងរដ្ឋសភាប្រទេសនូវែលហ្សេឡង់ បានលើកឡើងពីឆន្ទៈ រួមគ្នា ក្នុងការពង្រឹងពង្រីក ទំនាក់ទំនង និងកិច្ចសហប្រតិបត្តិការនៃរដ្ឋសភាប្រទេសទំាងពីរ។ ការប្រកាសពីឆន្ទៈបែបនេះ បានធ្វើឡើងនៅក្នុងជំនួបសវនាការ ពិភាក្សាការងារ រវាង ឯកឧត្តមបណ្ឌិត ងួន ញ៉ិល អនុប្រធានទី២ រដ្ឋសភា នៃព្រះរាជាណាចក្រកម្ពុជា និង លោកជំទាវ អានេត គីង (Annette King) សមាជិករដ្ឋសភា នៃប្រទេសនូវែលហ្សេឡង់។
ឯកឧត្តម ងួន ញ៉ិល អនុប្រធានទី២ រដ្ឋសភាកម្ពុជានៅព្រឹកថ្ងៃទី២៦ មីនា ឆ្នាំ២០១៥ បានអនុញ្ញាតឲ្យ លោកជំទាវ អានេត គីង និងសហការី ចូលជួបសវនាការ និងពិភាក្សាការងារនៅវិមានរដ្ឋសភា ហើយជំនួបពិភាក្សាការងារនេះបានផ្តោតជាសំខាន់លើការពង្រឹងពង្រីកទំនាក់ទំនង រវាង រដ្ឋសភាប្រទេសទំាងពីរ៕
អត្ថបទនិងរូបភាពពីនាយកដ្ឋានព័ត៌មាន
