សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះ រាជាណាចក្រកម្ពុជា បានអនុញ្ញាតឲ្យ ឯកឧត្តម Zhao Jin រដ្ឋមន្រ្តីផ្នែកផ្សព្វផ្សាយ នៃគណៈកម្មាធិការ បក្សកុម្មុយនីស្តចិន និងជាសមាជិកអចិន្ត្រៃយ៍មជ្ឈឹមបក្ស ខេត្តយូណាន ចូលជួបសវនាការ និងសម្តែងការគួរសម នាព្រឹកថ្ងៃទី១០ ខែកុម្ភៈ ឆ្នាំ២០១៥ នៅវិមានរដ្ឋសភា។
នៅក្នុងឱកាសនោះ ឯកឧត្តម Zhao Jin បានអញ្ជើញ សម្តេចប្រធានរដ្ឋសភា ដឹកនាំគណៈប្រតិភូជាន់ខ្ពស់រដ្ឋសភាកម្ពុជា ទៅបំពេញទស្សនកិច្ច នៅខេត្តយូណាន ក្នុងឱកាសដែល ខេត្តយូណានរៀបចំពិព័រណ៍ពាណិជ្ជកម្មចិន អាស៊ាន នាពេលខាងមុខនេះ។
ជាការឆ្លើយតប សម្តេច បានទទួលយកការអញ្ជើញនេះ ដោយរង់ចំាពិនិត្យលើភាពជាក់ស្តែង។ ជាមួយគ្នានេះសម្តេចបាន រំលឹកពីចំណងមិត្តភាព ដ៏ល្អរវាង កម្ពុជា ចិន ដែលមានតំាងពីយូរមកហើយព្រមទំាងបាន ថ្លែងអំណរគុណដល់ប្រទេសចិន ដែលបានផ្តល់ជំនួយ សម្រាប់ការអភិវឌ្ឍ ប្រទេសកម្ពុជា លើគ្រប់ វិស័យ រហូតមក។
សូមជម្រាបជូនថា ឯកឧត្តម Zhao Jin បានដឹកនាំគណៈប្រតិភូនៃប្រទេសចិន មកបំពេញទស្សនកិច្ចផ្លូវការនិងមិត្តភាព នៅព្រះរាជាណាចក្រកម្ពុជា និងដើម្បីចូលរួម រាត្រីសមោសរនិទាឃរដូវ កម្ពុជា-ចិន ដែលរៀបចំឡើងក្រោមកិច្ចសហការរវាង ក្រសួងព័ត៌មាន និងទូរទស្សន៍ខេត្តយូណាន នៃ សាធារណរដ្ឋប្រជាមានិតចិន នារាត្រីថ្ងៃទី១០ ខែកុម្ភៈ ឆ្នាំ២០១៥ នៅភ្នំពេញ ក្នុងមជ្ឈមណ្ឌលកោះពេជ្រផងដែរ៕