គណ:ប្រតិភូ គណ:កម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវ:និង កិច្ចការនារី នៃរដ្ឋសភា ដឹកនាំដោយ លោកជំទាវ កែ សុវណ្ណរតន៏ ប្រធានគណ:កម្មការ បានចុះបេសកកម្ម នៅខេត្តបន្ទាយមានជ័យ និងសៀមរាប ចាប់ពីថ្ងៃទី០៨ដល់ថ្ងៃទី១៣ខែកុម្ភៈ ឆ្នាំ២០១៥ ដើម្បីសិក្សាស្វែងយល់ពីវិស័យការងារដែលទាក់ទងនឹងភារកិច្ចរបស់គណៈកម្មការ។
នៅក្នុងដំណើរបេសកកម្មចុះទៅដល់ ក្រុងប៉ោយប៉ែត ខេត្តបន្ទាយមានជ័យ នៅព្រឹកថ្ងៃទី០៩ ខែកុម្ភ: ឆ្នាំ២០១៥ គណៈប្រតិភូ បានជួបពិភាក្សាការងារ ជាមួយ លោក ង៉ោ ម៉េងជ្រួន អភិបាលក្រុងប៉ោយប៉ែត និងថ្នាក់ដឹកនាំ ស្ថាប័ននានា ក្នុងក្រុងដើម្បីស្វែងយល់ពី សកម្មភាពធ្វើចំណាកស្រុករបស់ពលករ កម្ពុជា ដែលចេញទៅធ្វើការក្នុង ព្រះរាជាណាចក្រថៃ តាមច្រកអន្តរជាតិប៉ោយប៉ែត។
គណៈប្រតិភូនៃគណៈកម្មការជំនាញរបស់រដ្ឋសភា និងជួបពិភាក្សាការងារជាមួយ ថ្នាក់ដឹកនាំខេត្តបន្ទាយមានជ័យ និងខេត្តសៀមរាប ជាបន្តបន្ទាប់ទៀត តាមកម្មវិធីដែលបានគ្រោងទុក៕