ក្នុងជំនួបជាមួយ ឯកឧត្តម ឡេង ប៉េងឡុង អគ្គលេខាធិការរដ្ឋសភា នាព្រឹក ថ្ងៃទី១៤ ខែមករា ឆ្នាំ២០១៥ នៅវិមានរដ្ឋសភា ឯកឧត្តម បៀល ឡងហីស៍ (Bill Longhurst) ឯកអគ្គរាជទូត ប្រទេសអង់គ្លេស ប្រចាំកម្ពុជា បានមានប្រសាសន៍ ថា រដ្ឋសភាអង់គ្លេស មានកម្មវិធី នឹងជួយពង្រឹង សមត្ថ- ភាព ខាងបច្ចេកទេស ដល់មន្ត្រី អគ្គលេខាធិការដ្ឋាន រដ្ឋសភា តាមតម្រូវការ សមស្រប។
ឯកឧត្តម ឯកអគ្គរាជទូត បានឲ្យដឹងដែរថា ឯកឧត្តម មានការ រីករាយ ដែលបានឃើញ ការវិវត្តន៍ នយោបាយ នៅកម្ពុជា ជាពិសេស បន្ទាប់ពី គណបក្ស នយោបាយ ជាប់ឆ្នោតទាំងពីរ ព្រម ព្រៀងគ្នា ដោះស្រាយ បញ្ហា បញ្ចប់ការជាប់គាំង ខាង នយោបាយ។
តាមប្រសាសន៍របស់ ឯកឧត្តម ឡេង ប៉េងឡុង អគ្គលេខាធិការរដ្ឋសភា បានស្នើឲ្យរដ្ឋសភាអង់គ្លេស ជួយ លើកកម្ពស់ សមត្ថភាព ដល់ មជ្ឈមណ្ឌល ស្រាវជ្រាវ ជាជំហានដំបូង ដែល មជ្ឈមណ្ឌល នេះ អគ្គលេខាធិការដ្ឋាន រដ្ឋសភាទើបបង្កើត ថ្មី ដើម្បីជា ប្រយោជន៍ ក្នុងការ ជួយផ្តល់ ជាសេវា ជូនដល់ថ្នាក់ដឹកនាំ និងគណៈកម្មការជំនាញ របស់រដ្ឋសភា ក្នុងកិច្ចការជាតិ និងអន្តរជាតិ។