គណៈប្រតិភូ ខុទ្ទកាល័យ រដ្ឋសភា ឡាវ ចំនួន៨រូប ដឹកនាំដោយ ឯកឧត្តមបណ្ឌិត ខាំភើយ ផានីម៉ាឡៃថង (H.E.Dr Khampheny Panemalaythong) ជំនួយការផ្ទាល់ ប្រធាន រដ្ឋសភា សាធារណរដ្ឋ ប្រជាធិបតេយ្យ ប្រជាមានិត ឡាវ បានអញ្ជើញមក បំពេញទស្សនកិច្ចជាផ្លូវការ និង មិត្តភាព នៅរដ្ឋសភា ព្រះរាជាណាចក្រ កម្ពុជាចាប់ពី ថ្ងៃទី១១ ដល់ ថ្ងៃ១៥ មករា ឆ្នាំ២០១៥។
ក្នុងគោលបំណង ពង្រឹង និងពង្រីក ចំណងមិត្តភាព សាមគ្គីភាព និងបង្កើន កិច្ចសហប្រតិបត្តិការទ្វេភាគី រវាងរដ្ឋសភា នៃព្រះរាជាណាចក្រ កម្ពុជា និង រដ្ឋសភា ឡាវ ក៏ដូចជា អគ្គលេខាធិការដ្ឋាន រដ្ឋសភា ទំាងពីរ គណៈប្រតិភូ មានបំណង សិក្សាស្វែងយល់ និង ដកស្រង់ បទពិសោធន៍ ការងារនៅលើការ បណ្តុះបណ្តាល ធនធានមនុស្ស និង សេវាបម្រើ ដល់រដ្ឋសភា។
នៅព្រឹក ថ្ងៃទី១២ ខែមករា ឆ្នាំ២០១៥ នៅវិមាន រដ្ឋសភា គណៈប្រតិភូ ខុទ្ទការល័យ រដ្ឋសភា នៃ សាធារណរដ្ឋ ប្រជាធិបតេយ្យ ប្រជាមានិត ឡាវ ដឹកនាំដោយ ឯកឧត្តមបណ្ឌិត ខាំភើយ ផានីម៉ាឡៃថង (H.E.Dr Khampheny Panemalaythong) បានជួប ពិភាក្សា ការងារជាមួយ ឯកឧត្តម ឡេង ប៉េងឡុង អគ្គលេខាធិការ រដ្ឋសភា អមដោយ មន្ត្រីជាន់ខ្ពស់ នៃអគ្គលេខាធិការដ្ឋាន រដ្ឋសភាមួយចំនួនទៀត បន្ទាប់មក គណៈប្រតិភូ នឹងជួបពិភាក្សា ការងារជាមួយ ឯកឧត្តម កៃ កេកនីន អគ្គនាយក សេវា និង បច្ចេកទេស និងថ្នាក់ដឹកនាំពាក់ពន្ធ័ ចំនួនទៀត។
ជាមួយគ្នានេះ នៅរសៀល ថ្ងៃដដែល គណៈប្រតិភូ ត្រូវបាន អនុញ្ញាត ចូលជួប សម្តែងការគួរសមជាមួយ ឯកឧត្តមបណ្ឌិត ងួន ញ៉ិល អនុប្រធានទី២ នៃរដ្ឋសភានៃព្រះរាជាណាចក្រកម្ពុជា៕