កាលពី ថ្ងៃទី១៩ ខែធ្នូ ឆ្នាំ២០១៤ នៅវិមានរដ្ឋសភា គណៈកម្មការ សេដ្ឋកិច្ច ហិញ្ញវត្ថុ ធនាគារ និងសវនកម្ម នៃរដ្ឋសភា ដឹកនាំដោយ ឯកឧត្តម បណ្ឌិតរដ្ឋ ជាម យៀប ប្រធានគណៈកម្មការ បានប្រជុំត្រៀម ដើម្បីទៅចូលរួមសិក្ខាសាលារួមគ្នា កម្ពុជា ឡាវ វៀតណាម លើកទី៦ ស្តីពីបទពិសោធន៍ លើការធ្វើ សេចក្តីសម្រេចចិត្ត ការតាមដាន និងត្រួតពិនិត្យថវិកា ឈានឆ្ពោះទៅកាន់ ការគ្រប់គ្រង ហិរញ្ញវត្ថុសាធារណៈ ប្រកបដោយ ប្រសិទ្ធភាព និងតម្លាភាព ដែលនឹង ប្រព្រឹត្តទៅ នៅទីក្រុង ដាណាង ប្រទេសវៀតណាមពី ថ្ងៃទី១៩ ដល់ ថ្ងៃទី២៣ ខែមករា ឆ្នាំ២០១៥ ខាងមុខនេះ។
ភាគីកម្ពុជាដែលត្រូវអញ្ជើញ ចូលរួមក្នុងអង្គសិក្ខាសលា នាពេលនោះគឺមាន គណៈកម្មការសេដ្ឋកិច្ច ហិញ្ញវត្ថុ ធនាគារ និង សវនកម្មនៃរដ្ឋសភា តំណាងក្រសួង សេដ្ឋកិច្ច និង ហិរញ្ញវត្ថុ និងតំណាងអាជ្ញាធរសវនកម្មជាតិ ។