នៅក្នុងជំនួបពិភាក្សាការងារជាមួយ ឯកឧត្តម ឈាង វុន ប្រធានគណៈកម្មការកិច្ចការបរទេស សហប្រតិបត្តិការ អន្តរជាតិ ឃោសនាការ និងព័ត៌មាន រដ្ឋសភា នៃព្រះរាជាណាចក្រកម្ពុជា នៅរសៀល ថ្ងៃព្រហស្បតិ៍ ទី២៩ ខែ មករា ឆ្នាំ២០១៥ នៅ វិមានរដ្ឋសភា លោកជំទាវ អាលីសុន ប៊ើរ៉េ អគ្គរដ្ឋទូត អូស្ត្រាលីប្រចាំនៅ ព្រះរាជាណាចក្រកម្ពុជា បានលើកឡើងថា សភាទាំងពីរនៃ ប្រទេសអូស្ត្រាលី បានអញ្ជើញ គណៈប្រតិភូជាន់ខ្ពស់រដ្ឋសភា នៃ ព្រះរាជាណាចក្រកម្ពុជា ដឹកនាំដោយ សម្តេចអគ្គមហាពញាចក្រី ហេង សំរិន ប្រធានរដ្ឋភា អញ្ជើញទៅបំពេញទស្សនកិច្ចផ្លូវការ និងជាមិត្តភាព នៅ ប្រទេសអូស្ត្រាលី ដែលនឹងប្រារព្ធ ធ្វើនៅ ក្នុងកំឡុង ខែវិច្ឆិការ ឆ្នាំ២០១៥ ។