ក្នុងឱកាសចូលរួមក្នុងកិច្ចប្រជុំពេញអង្គ លើកទី៧ របស់សភា តំបន់អាស៊ី នៅទីក្រុង ឡាហ័ សាធារណរដ្ឋ ឥស្លាមប៉ាគីស្ថាន នៅព្រឹកថ្ងៃទី១ខែធ្នូ ឆ្នាំ២០១៤នេះ គណៈប្រតិភូជាន់ខ្ពស់ រដ្ឋសភា នៃ ព្រះរាជាណាចក្រកម្ពុជា ដឹកនាំដោយ ឯកឧត្តម បណ្ឌិត ងូន ញ៉ិល អនុប្រធានទី២រដ្ឋសភា នៃ ព្រះរាជាណាចក្រកម្ពុជា និង ជាប្រធានក្រុមសភា ជាតិកម្ពុជា-សភាអាស៊ី អមដំណើរដោយ ឯកឧត្តម ឈិត គីមយាត អនុប្រធាន គណៈកម្មការទី៥ នៃព្រឹទ្ធសភា ឯកឧត្តម ញ៉ែម ថ្ថាវីសមាជិករដ្ឋសភា និងមន្រ្តីជំនាញរបស់ អគ្គលេខាធិការ រដ្ឋសភាបានអញ្ជើញចូលរួម ក្នុងកិច្ចប្រជុំក្រុមប្រឹក្សា ប្រតិបត្តិ លើកទី២ របស់សភាតំបន់អាស៊ី ដែលបានរៀបចំ ធ្វើនៅសណ្ឋាគារ ផៀលកុងទីណុងតាល់ ក្នុងទីក្រុង ឡាហ័រ សាធារណរដ្ឋឥស្លាមប៉ាគីស្ថាន កិច្ចប្រជុំនេះ បានប្រព្រឹត្តទៅ ក្រោមការដឹកនាំ របស់ ឯកឧត្តម ម៉ូសេហីដ ហូសេនសេយីដ (Mushahid Hussain Sayed) សមាជិកព្រឹទ្ធសភា ប៉ាគីស្ថាន និងជា ប្រធាន គណៈកម្មការរៀបចំកិច្ចប្រជុំ APA។ គួរបញ្ជាក់ថានេះជាកិច្ចប្រជុំលើកទីពីរនៃក្រុមប្រឹក្សា ប្រតិបត្តិសភាតំបន់អាស៊ីមុននឹងឈានទៅបើកប្រជុំពេញអង្គលើកទី៧ របស់សភា តំបន់ អាស៊ី។ កិច្ចប្រជុំនេះបានការអញ្ជើញចូលរួមពី គណៈប្រតិភូ មកពីបណ្តាប្រទេស ចំនួន២២រួម មាន ប្រទេស អាហ្វហ្គានីស្ថាន ប៉ារ៉ែន បង់ក្លាដែស ប៊ូតង់ កម្ពុជា ចិន កូរ៉េ ឥណ្ឌូនេស៊ី អ៊ីរ៉ង់សាយប្រឺស ហ្សកដង់ គុយវ៉ែត គីហ្សីសតង់ នេប៉ាល ប៉ាគីស្ថាន ហ្វីលីពីន រុស្សីតាជីគីស្ថាន និងទូគី និង ប្រទេសជាអ្នក សង្កេតការណ៏ ចំនួន៥ ប្រទេស។ កិច្ចប្រជុំបាន ពិភាក្សានិងអនុម័ត នូវរបៀបវារៈ សម្រាប់សម័យ- ប្រជុំពេញអង្គ លើកទី៧ របស់សភាអាស៊ី ដែល ក្នុងនោះរួមមាន៖
-អនុម័ត្រនិងជ្រើសរើសសមាសភាពដឹកនាំអង្គប្រជុំ
-សេចក្តីថ្លែងការរបស់ប្រធានអង្គប្រជុំ ក្រុមប្រឹក្សា ប្រតិបត្តិ
-ពិចារណា និងផ្តល់អនុសាសន៍ លើសេចក្តីព្រាង លើសេចក្តីសម្រេចដែលកិច្ចប្រជុំក្រុមប្រឹក្សាប្រតិបត្តិ លើកទី១ បានបញ្ជូនមកពិចារណា លើរបៀបវារៈព្រាងរបស់កិច្ចប្រជុំ ពេញអង្គសភា តំបន់អាស៊ី លើកទី៧។ អង្គប្រជុំបានលើកអំពីទស្សនៈមួយថា គ្រប់យុគសម័យកាល ភាពដឹកនាំនិងជំរុញ លើកទឹកចិត្ត ជារឿយៗ គឺជាសកម្មភា ចាំបាច់ និង ចុងក្រោយបំផុត ដើម្បីបោះជំហានទៅដល់អនាគត ដ៏ភ្លឺស្វាង ទោះបីជាជួបប្រទះនូវស្ថានភាពប្រឈម យ៉ាងណាក្តី ដើម្បីសម្រេចទស្សនៈវិស័យ សភា ក្នុងតំបន់អាស៊ីនៃយើង។ ជាមួយគ្នានេះអង្គប្រជុំ បានស្តាប់ របាយការណ៍ របស់អគ្គលេខាធិការស្តីទី APA ដោយផ្តោតទៅលើ សេចក្តីសម្រេច នូវ សេចក្តីព្រាង ទាំង១៩ របស់ គណៈកម្មាធិការ អចិន្រ្តៃយ៍ កិច្ចការនយោបាយ
-គណៈកម្មាធិការអចិន្រ្តៃយ៍កិច្ចការសេដ្ឋកិច្ច និងការអភិវឌ្ឍន៍ប្រកបដោយនិរន្តរភាព
-គណៈកម្មាធិការអចិន្រ្តៃយ៍កិច្ចការសង្គមនិងវប្បធម៌ និងកិច្ចប្រជុំគណៈកម្មការចំពោះកិច្ច ស្តីពីបទប្បញ្ញតិ្តហិរញ្ញវត្ថុ និងការគ្រប់គ្រង បុគ្គលិក ។
ក្នុងឱកាសនេះ អង្គប្រជុំក៏បានសំដែងសោមនស្សរីករាយ ចំពោះទស្សនះវិស័យ ស្តីពីការ ប្រែក្លាយអេភីអេ ឲ្យទៅជាសភាអាស៊ី នៅថ្ងៃអនាគត។ទាក់ទងនិង បៀបវារៈ សម្រាប់សម័យប្រជុំពេញអង្គ លើកទី៧ គណៈប្រតិភូសភាកម្ពុជា បានត្រៀមចូលរួមនូវ សេចក្តីថ្លែងការណ៍ដែលផ្តោតទៅលើ មូលបទកិច្ចស្វះស្វែងរួម ដើម្បីសម្រេចបានសភាអាស៊ី ក្នុងសតវត្ស អាស៊ីនិងថ្លែងសន្ទកថា ទទូលយកអាណត្តិ ធ្វើជាម្ចាស់ផ្ទះ រៀបចំកិច្ចប្រជុំពេញអង្គលើកទី៨ ដែលនឹងប្រារព្វធ្វើនៅព្រះរាជាណាចក្រកម្ពុជា នៅឆ្នាំ២០១៥ខាងមុខ។
កិច្ចប្រជុំលើកទី២ នៃក្រុមប្រឹក្សាប្រតិបត្តិនេះ បានប្រកាសជូនអង្គប្រជុំថា សភា នៃព្រះរាជាណាចក្រកម្ពុជា នឹងទទួលធ្វើជាម្ចាស់ផ្ទះ រៀបចំកិច្ចប្រជុំពេញអង្គ លើកទី៨ ក្នុងឆ្នាំ២០១៥ខាងមុខ។ ពាក់ព័ន្ធទៅនិងអគ្គលេខាធិការAPAបច្ចុប្បន្នមានសុខភាពមិនល្អ អង្គប្រជុំបានស្នើពិភាក្សា ជ្រើសរើសអគ្គលេខាធិការ APA ថ្មីជំនួសអគ្គលេខាធិការចាស់ ដែលមានបញ្ហាសុខភាព។ បញ្ហានេះបានសម្រេច នឹងលើកយកទៅ ពិភាក្សានៅឯកិច្ចប្រជុំពេញអង្គលើកទី៨ក្នុងឆ្នាំ២០១៥នៅព្រះរាជាណាចក្រកម្ពុជា។អង្គប្រជុំក៏បានពិភាក្សាអំពីអាណត្តិរបស់អគ្គលេខាធិការគួរកំណត់រយៈពេល២អាណត្តិមាន៨ឆ្នាំផងដែរ៕