នៅរសៀល ថ្ងៃទី២៦ ខែវិច្ឆិកា ឆ្នាំ២០១៤ នៅវិមានព្រឹទ្ធសភា មន្ត្រីជាន់ខ្ពស់របស់អគ្គលេខាធិការដ្ឋាន រដ្ឋសភា ថ្នាក់អគ្គនាយក និងប្រធាននាយកដ្ឋានមួយចំនួន ដឹកនាំដោយ ឯកឧត្តម ស្រ៊ុន តារា អគ្គលេខាធិការរង រដ្ឋសភា បានអញ្ជើញចូលរួម ក្នុងពិធីចែក វិញ្ញាបនបត្រ ដល់សិក្ខាកាម ដែល ជាមន្ត្រីនៃអគ្គលេខាធិការដ្ឋាន រដ្ឋសភា និងព្រឹទ្ធសភា ទើបបញ្ចប់ការសិក្សាភាសាអង់គ្លេស នៅវិទ្យា ស្ថានសភាកម្ពុជា និងចូលរួមក្នុងពិធីសម្ពោធ អាគារថ្មីរបស់វិទ្យាស្ថានសភាកម្ពុជា (PIC) ដែលអាគារ ថ្មីនេះ បានមកពីការចូលរួមចំណែក ពីព្រឹទ្ធសភានៃព្រះរាជាណាចក្រកម្ពុជា។
សូមបញ្ជាក់ថា សិក្ខាកាមដែលជាមន្ត្រីមកពី អគ្គលេខាធិការដ្ឋានរដ្ឋសភា និងព្រឹទ្ធសភា ចំនួន២៣នាក់ ត្រូវបានបណ្តុះបណ្តាល ភាសាអង់គ្លេស ដោយវិទ្យាស្ថានសភាកម្ពុជា(PIC) ចាប់តាំង ពីខែមិនា ដល់ ខែតុលា ឆ្នាំ២០១៤ ដែលការបណ្តុះបណ្តាល នេះគឺដើម្បីឆ្លើយតបតាមតម្រូវការ និងសំណូមពររបស់អគ្គលេខាធិការដ្ឋានរដ្ឋសភា និងព្រឹទ្ធសភា នៃព្រះរាជាណាចក្រកម្ពុជា។