សម្តេចអគ្គមហាពញាចក្រី ហេង សំរិន ប្រធាន រដ្ឋសភា នៅព្រឹក ថ្ងៃទី១៨ ខែវិច្ឆិកា ឆ្នាំ២០១៤នេះ បានអនុញ្ញាតឲ្យ លោក ណេហ្គិស៊ិ ស៊ឺណេជី ប្រធាន អង្គការ សមាគម ជំនួយខ្មែរ នៃ សតវត្សទី ២១ និង សហការី ចូលជួប សម្តែងការគួរសម នៅវិមាន រដ្ឋសភា។
នៅក្នុងជំនួបនោះ សម្តេចប្រធាន បានលើកឡើងពី ទំនាក់ទំនង ដ៍ល្អរវាងប្រទេសនិង ប្រជាជន កម្ពុជា ជប៉ុន។ ចំពោះ អង្គការ សមាគមជំនួយខ្មែរ នៃសតវត្សទី២១វិញ សម្តេចបានកោតសរសើរ សមិទ្ធផលនានា ដែលអង្គការនេះ បានជួយដល់ ប្រជាពលរដ្ឋកម្ពុជា នៅទីជនបទនានា ក្នុងនោះមាន សាលារៀន១៨ខ្នង ស្មើ៩០បន្ទប់ អណ្តូងទឹក ចំនួន២៥៣ ព្រមទំាងបានផ្តល់អាហារូបករណ៍ និង ឧបត្ថម្ភសម្ភារៈសិក្សា ដល់ សិស្សក្រីក្រ ជាដើម។
សម្តេចអគ្គមហាពញាចក្រី ហេង សំរិន បានស្នើសុំ លោកប្រធានអង្គការ សមាគមជំនួយខ្មែរ នៃសតវត្សទី២១ បន្តសកម្មភាពមនុស្សធម៌ បែបនេះតទៅទៀត ដើម្បីជួយដល់ ប្រជាពលរដ្ឋកម្ពុជា នៅតាម សហគមន៍ នានា ទូទំាងប្រទេស។
លោក ណេហ្គិស៊ិ ស៊ឺណេជី ប្រធានអង្គការ សមាគមជំនួយខ្មែរ នៃសតវត្សទី២១ បានថ្លែងអំណរគុណយ៉ាង ជ្រាលជ្រៅ ដែលសម្តេចប្រធានរដ្ឋសភា បានចំណាយពេលវេលា ដ៍មមាញឹកទទួលជួបគណៈប្រតិភូ របស់លោក។ ការទទួលស្វាគមន៍ ការកោតសរសើរ របស់សម្តេចនៅពេលនេះ បានជំរុញឲ្យ អង្គការការសមាគមជំនួយខ្មែរ នៃសតវត្សទី២១ កាន់តែមានទឹកចិត្ត ក្នុងការបំពេញបេសកកម្ម បន្តទៀត។ នេះជាការបញ្ជាក់របស់លោក ណេហ្គិស៊ិ ស៊ឺណេជី៕