សម្តេចរដ្ឋសភាធិបតី ឃួន សុដារី ចូលក្រាបបង្គំគាល់ព្រះមហាក្សត្រ នៃព្រះរាជាណាចក្រថៃ និងព្រះអម្ចាស់ក្សត្រី__ ឯកឧត្តមប្រធានរដ្ឋសភាថៃរៀបចំពិធីលៀងសាយភោជន៍ជូនគណៈប្រតិភូជាន់ខ្ពស់រដ្ឋសភាកម្ពុជា​ ដឹកនាំដោយ​ សម្តេចរដ្ឋសភាធិបតី ឃួន សុដារី__ រដ្ឋសភាកម្ពុជា​ និងថៃ ព្រមទាំងអគ្គលេខាធិការដ្ឋានរដ្ឋសភាប្រទេសទាំងពីរ បានចុះហត្ថលេខាលើអនុស្សរណៈនៃការយោគយល់គ្នា ដើម្បីពង្រឹងពង្រីកកិច្ចសហប្រតិបត្តិការនៅគ្រប់កម្រិត__ សម្តេចរដ្ឋសភាធិបតី ឃួន សុដារី ៖ ការលើកកម្ពស់កិច្ចសហប្រតិបត្តិការលើការទូតសភា ជាកត្តាគន្លឹះដ៏សំខាន់មួយនាំមកនូវវិបុលភាព និងសុខដុមរមនាដល់ប្រទេស​ និងប្រជាជន​ កម្ពុជា-ថៃ__ រដ្ឋសភាប្រទេសថៃរៀបចំពីធិបដិសណ្ឋារកិច្ចផ្លូវការជូន គណៈប្រតិភូជាន់ខ្ពស់រដ្ឋសភាកម្ពុជា ដឹកនាំដោយ សម្តេចមហារដ្ឋសភាធិការធិបតី ឃួន សុដារី នៅវិមានរដ្ឋសភាថៃ__ សភាកម្ពុជាចូលរួមមហាសន្និបាតលើកទី៤៩ នៃសភានិយាយភាសាបារាំង ក្រោមប្រធានបទ “បញ្ញាសិប្បនិម្មិត” នៅប្រទេសកាណាដា​ ៕ សម្តេចរដ្ឋសភាធិបតី ឃួន សុដារី និងគណៈប្រតិភូជាន់ខ្ពស់រដ្ឋសភាកម្ពុជា ចូលទស្សនាការ ប្រជុំពេញអង្គរដ្ឋសភាថៃ __

Home » គណៈកម្មការទី៥ » សកម្មភាព » ឯកឧត្តម ឈាង វុន ស្នើឲ្យអគ្គលេខាធិការដ្ឋានរដ្ឋសភាសិក្សាស្រាវជ្រាវពីកិច្ចប្រជុំសភាអាស៊ី-អឺរ៉ុប
ឯកឧត្តម ឈាង វុន ស្នើឲ្យអគ្គលេខាធិការដ្ឋានរដ្ឋសភាសិក្សាស្រាវជ្រាវពីកិច្ចប្រជុំសភាអាស៊ី-អឺរ៉ុប
Prepaired By: NA1472 ​ Date: (3/7/2019 1:30:11 AM )

ឯកឧត្តម ឈាង វុន ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា បានជំរុញឲ្យ អគ្គលេខាធិការដ្ឋានរដ្ឋសភាកម្ពុជាធ្វើការសិក្សាស្រាវជ្រាវ ពិសេសដកស្រង់បទពិសោធន៍ពីបណ្តាប្រទេសនានាដែលធ្លាប់ធ្វើជាម្ចាស់ផ្ទះ នៃកិច្ចប្រជុំ សភាអាស៊ី-អឺរ៉ុប ហៅកាត់ថា(ASEP) ដើម្បីជាចំណេះដឹងក្នុងការត្រៀមរៀបចំកិច្ចប្រជុំនេះនាពេលខាងមុខ ដែលសភាកម្ពុជាទទួលធ្វើម្ចាស់ផ្ទះនោះ។

ឯកឧត្តមបានលើកឡើងបែបនេះ នៅក្នុងកិច្ចប្រជុំមួយជាមួយសមាជិកសមាជិកាគណៈកម្មការ និងមន្រ្តីអគ្គលេខាធិការដ្ឋានរដ្ឋសភា នៅព្រឹកថ្ងៃទី២៩ ខែមករា ឆ្នាំ២០១៩ នៅវិមានរដ្ឋសភា។ ឯកឧត្តមបានគូសបញ្ជាក់ថា សភាកម្ពុជានឹងធ្វើជាម្ចាស់ផ្ទះនៃកិច្ចប្រជុំលើកទី១៣នៃវេទិកាសភា ដែលមាន សមាជិក៥១ប្រទេសនេះ នៅឆ្នាំ២០២០ខាងមុខ។ កិច្ចប្រជុំសភាអាស៊ី-អឺរ៉ុប ធ្វើឡើងទន្ទឹមគ្នានឹងកម្ពុជាទទួលធ្វើជាម្ចាស់ផ្ទះកិច្ចប្រជុំកំពូលអាស៊ី-អឺរ៉ុប នៅក្នុងឆ្នាំ២០២០នោះដែរ។

ឯកឧត្តម ឈាង វុន បានគូសបញ្ជាក់ថា ដូច្នេះប្រធានបទសំខាន់នៃកិច្ចប្រជុំកំពូលអាស៊ី-អឺរ៉ុប គឺមានទំនាក់ទំនងនឹងប្រធានបទកិច្ចប្រជុំសភាអាស៊ី-អឺរ៉ុប ហៅកាត់(ASEP)។ ឯកឧត្តមបានបន្តថា “ខ្ញុំស្នើដល់អគ្គលេខាធិការរដ្ឋសភា អញ្ជើញបណ្តាប្រទេសដែលធ្លាប់ធ្វើជាម្ចាស់ផ្ទះកិច្ចប្រជុំនេះ មកធ្វើ បទបង្ហាញ អោយសភាកម្ពុជាបានយល់ពីកិច្ចប្រជុំសភាអាស៊ី-អឺរ៉ុបហៅកាត់(ASEP)នេះ ដើម្បីជាមធ្យោបាយដល់សភាកម្ពុជា រៀបចំកិច្ចប្រជុំសភា អាស៊ី-អឺរ៉ុបនេះ ទទួលបានជោគជ័យ”៕

អត្ថបទ និងរូបភាព ដោយនាយកដ្ឋានព័ត៌មាន