សម្តេចអគ្គមហាពញាចក្រី ហេង សំរិន ប្រធានរដ្ឋសភា បានចាត់តំាងតំណាងដ៏ខ្ពង់ខ្ពស់ ចុះបំពេញ​បេសកកម្មសួរសុខទុក្ខ ឯកឧត្តម គង់ សភា តំណាងរាស្រ្តមណ្ឌលខេត្តស្វាយរៀង និង ឯកឧត្តម ញ៉យ ចំរើន តំណាងរាស្រ្តមណ្ឌលខេត្តកំពង់ចាម ដែលកំពុងសម្រាកព្យាបាល នៅមន្ទីរពេទ្យផ្យាថៃ នាទីក្រុងបាងកក ប្រទេសថៃ។

​ឯកឧត្តម គង់ សភា និង ឯកឧត្តម ញ៉យ ចំរើន ត្រូវបានជនមួយក្រុមវាយដំលើរាងកាយនៅក្រៅរបងរដ្ឋសភា កាលពីថ្ងៃទី២៦ ខែតុលា ឆ្នាំ២០១៥ បន្ទាប់ពីឯកឧត្តមទំាងពីរចេញពីប្រជុំរដ្ឋសភា។ ក្រោយទទួលរងរបួស ឯកឧត្តមទំាងពីរត្រូវបានបញ្ជួន ទៅព្យាបាលនៅប្រទេសថៃ ដោយក្នុងនោះ សម្តេច ប្រធានរដ្ឋសភា បានជួយឧបត្ថម្ភថវិកាសរុបចំនួន ៣ម៉ឺនដុល្លារ។

ដោយក្តីបារម្ភ និងការយកចិត្តទុកដាក់ចំពោះសុខទុក្ខ តំណាងរាស្រ្តទំាងពីររូប សម្តេចអគ្គម​ហា​ពញាចក្រី ហេង សំរិន បានចាត់តំាង ឯកឧត្តម ឈាង វុន សមាជិកគណៈកម្មាធិការអចិន្រ្តៃយ៍ ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា ដឹកនាំគណៈប្រតិភូរដ្ឋសភាមួយក្រុម ចុះទៅសួរសុខទុក្ខតំណាងរាស្រ្តទំាងពីររូបផ្ទាល់នៅប្រទេសថៃ ចាប់ពីថ្ងៃទី០៦ ដល់ថ្ងៃទី០៨ ខែវិច្ឆិកា ឆ្នាំ២០១៥។

មុនចាកចេញពីប្រទេសកម្ពុជាទៅកាន់ប្រទេសថៃ ឯកឧត្តម ឈាន វុន បានមានប្រសាសន៍ បញ្ជាក់បន្ថែម ពីដំណើរបេសកកម្មនេះ ដែលមានប្រសាសន៍ ដើមដូចខាងក្រោម៖