ពិធីផ្សព្វផ្សាយរដ្ឋធម្មនុញ្ញ និងច្បាប់រដ្ឋធម្មនុញ្ញជំពូកទី១៥ថ្មី ច្បាប់ស្តីពីការរៀបចំនិងការប្រព្រឹត្តទៅ នៃគណៈកម្មការជាតិរៀបចំការបោះឆ្នោត និងច្បាប់ស្តីពីការបោះឆ្នោត ជ្រើសតាំងតំណាងរាស្រ្ត ត្រូវបានរៀបចំឡើងនាព្រឹក ថ្ងៃទី១៧ ខែឧសភា ឆ្នាំ២០១៥ នៅខេត្តព្រៃវែង ក្រោមអធិបតីភាពឯកឧត្តម ប៊ិន ឈិន ឧបនាយករដ្ឋមន្រ្តី និងជាតំណាងរាស្ត្រមណ្ឌលព្រៃវែងដោយមានការចូលរួមពីឯកឧត្តមបណ្ឌិតរដ្ឋ ជាម យៀប ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា ឯកឧត្ដមបណ្ឌិត ប៉ែន បញ្ញា ប្រធានគណៈកម្មការនីតិកម្ម និង យុត្តិធម៌នៃរដ្ឋសភា ព្រមទាំងឯកឧត្តម ប្រធានក្រុមប្រឹក្សាខេត្ត ឯកឧត្តម អភិបាលខេត្ត លោក លោកស្រី ប្រធានក្រុមប្រឹក្សាស្រុក អភិបាលស្រុក លោក លោកស្រីប្រធានក្រុមប្រឹក្សាឃុំ មេឃុំ កងកំលាំងប្រដាប់អាវុធគ្រប់ប្រភេទ និងលោកគ្រូ អ្នកគ្រូ គ្រប់វិទ្យាល័យ នៅក្នុងខេត្តព្រៃវែង សរុបចំនួន៦១៣នាក់។
ឯកឧត្តម ប៊ិន ឈិន ឯកឧត្តមបណ្ឌិតរដ្ឋ ជាម យៀប និងឯកឧត្តម ប៉ែន បញ្ញា បានធ្វើការបកស្រាយពន្យល់ពី ការធ្វើវិសោធនកម្មច្បាប់ រដ្ឋធម្មនុញ្ញជំពូកទី១៥ថ្មី ច្បាប់ស្តីពីការរៀបចំនិងការប្រព្រឹត្តទៅ នៃគណៈកម្មការជាតិរៀបចំការបោះឆ្នោត និងច្បាប់ស្តីពីការបោះឆ្នោតជ្រើសតាំងតំណាងរាស្រ្ត គឺបន្ទាប់ពីមានកិច្ចព្រមព្រៀង រវាងគណបក្សជាប់ឆ្នោតទាំងពីរគឺគណបក្សប្រជាជនកម្ពុជា និង គណបក្សសង្គ្រោះជាតិ កាលពីថ្ងៃទី២២ខែកក្កដា ឆ្នាំ២០១៤ដើម្បីបពា្ចប់បញ្ហានយោបាយ រក្សាបានស្ថិរភាព សន្តិសុខ និងភាពសុខសាន្តក្នុងប្រទេស។ ទន្ទឹមនឹងនោះគណបក្សទាំងពីរ បានជ្រើសរើសអនុវត្តវប្បធម៌សន្ទនា ដើម្បីផលប្រយោជន៍ប្រទេសជាតិនិងប្រជាពលរដ្ឋ៕
អត្ថបទនិងរូបភាពពីនាយកដ្ឋានព័ត៌មាន